Ben Madilynn
Agserbi nga host ti Pilipinas iti International Nuclear Supply Chain Forum ita a tawen.
Naikeddeng daytoy manipud Nobiembre 13 agingga Nobiembre 15.
Segun iti Department of Energy, ti panangsangaili ti Pilipinas ket maysa kadagiti umuna nga addang ti transisyon para iti programa a nuklear nga enerhia.
Manamnama a tumabuno dagiti pagilian nga addaan iti nalawa a kapadasan iti nuklear nga enerhia kas iti Estados Unidos, Canada, Francia, Japan, South Korea, ken dadduma pay a pagilian nga agus-usar iti nuclear.
Naituding nga ibinglayda ti us-usarenda a teknolohia ken pannakaammoda maipapan iti daitoy.
Malaksid kadagiti pannakabagi dagitoy a pagilian, manamnama met a tumabuno dagiti pannakabagi dagiti internasional a kompania a naipamaysa iti nuclear supply chain, kompania a nakapokus iti nuclear supply chain, power generation companies, government agencies, akademiya, ken dadduma pay.
Maipalagip nga ita a lawas ket adda katulagan ti DOE ken maysa a South Korean firm a mangisayangkat iti feasibility studies iti Bataan Nuclear Power Plant (BNPP).
Kitaen da iti kasta a planta no mabalin pay laeng nga usaren ken no natalged pay laeng para iti posible nga operasion.
