Peke nga incorporation documents, ar-aramaten dagiti pudno nga akin-kukua kadagiti illegal POGO hub

Agar-aramat ti fake incorporation papers dagiti Illegal Philippine Offshore Gaming Operators (POGO) hub tapno saan a masarakan dagiti pudno nga akin-kukua kas pinasingkedan ni Senador Sherwin Gatchalian.

Maar-armat ti nagan dagiti saan a mainaig ti POGO kas ti maysa nga empleado a nailista a maysa nga incorporators iti Lucky South 99 nga awan ti pammalubosna.

Segun ken ni Gatchalian, adda Chinese iti likodan ti nasao nga addang ken dagiti local a partners wenno local a maar-aramat ti mangipagna kadagiti papel.

Ti sumaruno a Senate hearing ket inton Mierkules nga agpokus kadagiti na-raid a POGO hub idiay Porac, Pampanga.