PD ti INPPO, nagpalagip kadagiti indibidual nga adda ti pakainaiganna iti iligal a droga nga agbalbaliwdan
abyasa
LAOAG CITY – Nagpalagip ni P/Col. Frederick Obar, Provincial Director ti Ilocos Norte Police Provincial Office kadagiti indibidual nga adda ti pakainaiganna iti iligal a droga nga agbalbaliwdan.
Segun kenkuana, no dadduma ket maasianda kadagiti maseknan gapu ta madadael ti masakbayan ken panagbiagda.
Inbatadna a nakaladladangit pay a panunuten nga adda dagiti indibidual a matmatay gapu iti iligal a droga.
Kunana nga awan ti nasayaat a maitulongna ti panagusar wenno panagilako ti iligal a droga.
Kabayatanna, inlawlawag ni P/Col. Frederick Obar nga agtultuloy ti panangitandudoda iti panagkampia kontra iti iligal a droga.
