PCG, nakaawat iti uncrewed surface vessel manipud iti United Nations; Kaunaan iti Southeast Asia
abyasa
LAOAG CITY – Nakaawat ti Philippine Coast Guard iti uncrewed surface vessel (USV) manipud iti Global Maritime Crime Program ti United Nations Office on Drugs and Crime (UNODC).
Kas resultana, ti Philippine Coast Gaurd ti kaunaan a maritime security organization iti Southeast Asia (SEA) ti nakaawat iti unmanned surface vessel a makabael a mangurnong iti datos manipud iti tangatang ken taaw.
Maibasar iti United States National Oceanic and Atmospheric Administration, ti unmanned surface vessel ket mabalin a maiprograma wenno kontrolen dagiti operator a mangaramid kadagiti pre-planned missions.
Nauyuswat ti harbor acceptance test ken sea acceptance trial ti unmanned surface vessel idiay Subic, Zambales idi Agosto 29.
Naituding a maangay ti unmanned surface vessel turnover ceremony iti Philippine Coast Gaurd headquarters idiay Manila idi kalman ngem nakansela daytoy gapu iti panagsusupiat ti schedule.
Iti agdama, ti unmanned surface vessel ket adda iti headquarter ti Philippine Coast Gaurd.
