PBBM, inaminna a nadismaya iti kinuna ni VP Sara a saanda nga aggayyem

Mario Bautista October 11, 2024

Inamin ni President Ferdinand BongBong Marcos Jr., a nadismaya ken  nakarikna a kasla naloko idi kinuna ni Vice President a saanda a talaga nga aggayyem.

Inlawlawag pay ti Presidente no apay a saanna dinutokan ti Vice President kas “caretaker” ti pagilian idi napan idiay Lao PDR tapno tumabuno iti ASEAN Summit and Related Summits.

Maipalagip a kinunan ti Bise Presidente a saanda nga aggayyem kenni Marcos kalpasan a nagikkat kas miembro ti Gabinete.

Kabayatanna, inlawlawag ni Marcos a saanen a paset ti administrasion ni Duterte kalpasan ti panagikkatna iti Gabinete, isu a saanan a dinutokan kas “caretaker” ti pagilian idi napan idiay Lao PDR tapno tumabuno iti ASEAN Summit and Related Summits.

Nupay kasta, inlawlawag ni Marcos a saanna a kayat a sawen nga awaan ti talekna ken ni Duterte.