Ben Madilynn
NIABOT na sa Polloc Port sa Parang, Maguindanao del Norte ang bag-ong kagamitan nga panggubat sa Philippine Marines niadtong Martes, Agosto 27, 2024.
Mga kahimanan gilangkuban sa sa mga armored vehicles, artillery assets ug patrol craft.
Ang paghidangat niini gisugat mismo ni Joint Task Force Central ug 6ID Commander MGen. Antonio Nafarrete sa pantalan.
Lakip sa mga bag-ong asset sa 1st Marine Brigade, Philippine Marines mao ang duha ka V150, usa ka V300 FSV (fire support vehicle), tulo ka V300 APC (armored personnel carrier), duha ka SURC (small unit riverine craft), duha ka 105mm cannon, duha ka 155 Howitzers cannon, usa ka KLVT (Kia light tactical vehicle) ug usa ka SUAS (small unmanned aircraft system).
Ang maong mga assets ipakatap sa 1st Marine Brigade, Philippine Marines.
Uban sa mga kagamitan nga panggubat, ang 65th Force Reconnaissance Company nag-deploy usab og bag-ong mga ginsakpan nga midunggo sa Polloc Port. (EEF)
