Panagregget dagiti otoridad idiay Ifugao tapno maipasigurado ti linak ken kapia, agtultuloy
Ben Madilynn
Agtultuloy latta ti panagregget dagiti otoridad iti probinsya ti Ifugao tapno maipasigurado ti linak ken kapia kagiddan dagiti mailislista dagitoy a krimen.
Iti pannakiuman ti Bombo Radyo kenni Ifugao Police Provincial Office, Provincial Director Pcol. Marvin S. Diplat kinunana a kaadduan latta kadagiti mailislista dagitoy ket ti kaso ti panagrames, vehicular traffic accidents ken dadduma pay.
Malaksid iti dayta, adda metlaeng dagiti sumagmamano a kaso ti murder ngem saan nga election related dagitoy.
Iti baet dayta, impannakkel ti nasao nga opisyal a naideklara ti probinsya ti Ifugao a drug-free Province pakairamanan dagiti nagduduma a Municipal Police Stations.
Naideklara metlaeng dagiti amin a workplaces dagiti pulis iti nasao a probinsya kas drug free workplaces.
Gapu iti dayta, al-allukuyen ni Pcol. Diplat dagiti dadduma a government agencies sadiay tapno agbalin met kas drug free workplaces.
Nupay, adda latta met dagiti sumagmamano a pinarut dagitoy a marijuana plants rason a nainget latta ti panagbantay dagitoy.
