Ben Madilynn
Nanawagan si incoming Cebu Governor Pamela Baricuatro sa outgoing administration ni Gobernador Gwendolyn Garcia nga himuong hapsay ang transition ug pagtugyan sa tanang responsi-bilidad ug gimbuhaton sa di pa ang June 30, 2025.
Atol sa press conference sa Biyernes, Mayo 30, sa Golden Prince Hotel and Suites sa Cebu City, si Baricuatro nipadayag og kabalaka sa proseso sa transition nga gihulagway niyang “discouraging” ug “uncooperative.”
Gitumbok ni Baricuatro nga ang mga Sugbuanon ang mag-antos tungod sa posibling langay nga pagpatuman sa serbisyo kay kuwang ang pagpangandam ug ang pag- review sa importante nga mga dokumento sa di pa siya molingkod sa June 30, 2025.
“I’m telling you Gwen, you are not hurting me, you will be hurting the people of the Province of Cebu kung naa kay paghigugma sa katawhan imo ning itugot ang peaceful transition sa probinsya,” matod ni Baricuatro .
Si Atty. Edmund Lao, nga maoy nangulo sa transition team ni Baricuatro nihulagway sa ilang pakigtambayayong sa outgoing administration nga “inadequate and constrained,” human sa meeting uban sa Department of the Interior and Local Government (DILG) Cebu Province niadtong Mayo 29, 2025.
Si Lao nibutyag nga si Dr. Jesus Robel Sastrillo Jr., director sa DILG Cebu Province, maoy co-chair sa transition team sa outgoing administration, nisulti kanila nga way in-person meetings tali sa incoming ug outgoing teams.
Dugang niini, ang formal turnover sa governance records nga nag-cover og 40 areas, mahitabo sa June 30 samang adlaw nga maoy pag-asumir ni Baricuatro sa office.
“This undermines the principle of a seamless transfer of responsibilities. We will not have enough time to study the documents’ significance,” matod ni Lao.
Ang DILG Memorandum Circular No. 2025-016, nagmando nga ang turnover ug comprehensive briefing sa mga importanteng governance documents maoy importanting responsibilidad sa transition teams.
Si Baricuatro nadismaya sab sa kapakyas sa DILG pag-aksyon isip facilitator sa transition team.
“Yet is allowed itself to be named as vice-chairman by Governor Garcia’s transition team. This places the DILG directly under her authority in this critical process. The DILG must be independent and above local government units to ensure a fair and orderly transition,” niingon si Bari-cuatro.
Ang kampo ni Baricuatro nagpadala og suwat sa Biyernes sa buntag ni Garcia nga naghangyo nga sayuhon ang turnover sa Hunyo 15, ug magpatawag og buwag nga meeting sa mga department heads sa di pa ang Hunyo 30. / EHP
Source: Pam: Team ni Gwen ‘uncooperative’
