![](https://trend.slink.ph/wp-content/uploads/sites/11/2024/07/6-267x150.png)
Palestinians, pimmanaw da iti ciudad ti Khan Younis gapu iti multiple strikes nga ipatpatungpal ti Israel iti South Gaza
![](https://img.bomboradyo.com/laoag/2024/07/6.png)
LAOAG CITY – Pimmanaw dagiti naruay a Palestinians iti ciudad ti Khan Younis ken nagturong da iti daya ti Gaza kalpasan nga inmandar ti Israel a masapol a pumanaw dan iti lugar.
Basar iti report, agpatpatnag a mangipatpatungpal ti strikes ti Israel iti lawlaw ti Khan Younis.
Kinumpirmaran ti Palestinian Red Crescent a sipud nangipatungpal ti multiple strikes ti Israel ket addan ti walo a tattao ti natay idinto a nasurok a 30 a sabsabali dagiti nasugatan.
Naamoan nga uray dagiti pasyente ken medical staff manipod iti European Gaza hospital ket pimmanaw da payen iti lugar kalpasan nga inbilin ti Hamas-run health ministry iti Gaza nga agbakwit da.