P720-K a gatad ti marijuana, dinadael dagiti otoridad idiay Sitio Bay-o, Barangay Sasaba, Santol, La Union
Ben Madilynn
LA UNION – Ballaigi nga dinadael dagiti otoridad ti P720-K a gatad ti marijuana kabayatan ti naiwayat nga marijuana eradication idiay Sitio Bay-o, Sasaba, Santol, La Union.
Daitoy ket naaramid babaen ti panagtitinnulong ti Provincial Drug Enforcement Unit La Union Police Provincial Office, 1st La Union Provincial Mobile Force Company, Santol Police Station, Philippine Drug Enforcement Agency Regional Office I, Regional Special Enforcement Team ken PDEA-Seaport Interdiction Unit.
Alas onse ti aldaw idi kalman, Oktubre 7, pinarot ken dinadael dagitoy ti 3,600 fully grown marijuana plants manipod kadagiti dua a plantation sites.
Mapatta-patta nga 350 square meters ti kalawa iti nakaimulaan tio nadadael a mula.
Segun kenni Police Colonel Heryl L. Bruno, Provincial Director of LUPPO, kalpasan a maparot dagiti mula a marijuana ket dagus da nga inuram kas paset ti swift eradication procedure.
Daytoy ket paset paylang ti nainget a kampanya dagiti otoridad mainaig iti panangparmek ti maipawil a banag.
