“No collection policy” kadagiti public schools, nainget nga ipatpatungpal ti DepEd ita nga enrolment period

Nagpalagip ti Department of Education (DepEd) iti publiko a nainget ti panangipatungpalda iti “no collection policy” ita nga enrollment period kadagiti public schools.

Segun kenni DepEd Undersecretary Michael Poa, awan ti aniaman a bayadan dagiti nagannak para iti panagenroll dagiti annakda.

Innalukoyna pay dagiti nagannak a dagus nga agreport iti DepEd no adda agsingir iti aniaman a bayadan, ken mabalin a mapan iti kaasitgan a division office, regional office, wenno iti mismo a central office ti DepEd.

Kabayatanna, agpaut agingga July 26, 2024 ti enrollment kadagiti public schools.