Nico Locco breaks up anew with Christine Bermas

“She’s not an angel, in many ways.”

Ito ang makahulugang pahayag ni Nico Locco nang usisain siya ng PEP.ph (Philippine Entertainment Portal) na magsalita tungkol sa tunay na dahilan ng paghihiwalay nila ng kanyang girlfriend na si Christine Bermas.

Hindi ipinagtapat ni Nico ang katotohanan, pero mararamdaman sa mga salitang binitiwan na nasaktan siya nang labis sa kinahinatnan ng relasyon nila.

“Let’s just say the person that I thought I knew for two and a half years was not the person I knew.

“Sa isang relationship, sa both sides, may mga realization and meron din akong realizations about her na ayoko.

“And that was the final straw for me so sinabi ko wala na,” sabi ni Nico.

Ayon kay Nico, isang buwan na ang nakalilipas mula nang hiwalayan niya si Christine.

“Magkaibigan ba kayo ngayon?” usisa kay Nico.

Matunog na sagot ng actor/model/host, “No! Definitely not

“Pero baka within time. You know, time allows people to heal.”

Nakausap ng PEP.ph (Philippine Entertainment Portal) si Nico sa VMX Project X, ang Victoria’s Secret-inspired fashion show na itinanghal sa Viva Café nitong Huwebes ng gabi, Oktubre 10, 2924

Ang fashion show ay pinangunahan ng labing-apat na Vivamax sexy stars, kabilang sina Robb Guinto, Dyessa Garcia, Apple Dy, Jenn Rosa, Mariane Saint, at ng magkakapatid na Angela Morena, Micaella, at Stephanie Raz.

Ang VMX Project X ang isa sa mga highlight ng selebrasyon ng 12 million subscribers ng Vivamax, ang nangunguna at orihinal na Filipino streaming site.

NICO SAYS HE WANTED TO MARRY CHRISTINE

Tinanong ng PEP.ph si Nico kung paano niya binura o binubura ang mga alaala ng pagmamahalan nila noon ni Christine.

“Mahirap,” reaksiyon ni Nico.

“Heartbroken ako. To be honest, Christine was the first woman that I’ve truly loved in my life.

“When I say truly loved, siya ang gusto kong i-marry. Na talagang siya yung future ko.

“Kaya I brought her home sa Canada, four times, to meet my family, my whole family. Yung relatives ko, mga pinsan ko, mga tito, tita, everything.

“She was the first person to experienced that and, siyempre, hindi mo yan gagawin sa isang girl na you don’t care about.

“I did that for her, and that’s why it really does hurt na hindi nag-work. But life goes on, e.”

Ano ang ginagawa niya ngayon para maka-recover?

“A lot of crying… a lot of crying,” sabi ni Nico.

“I think I am inside the dark room right now and just waiting for the beams of light to come through na everything’s gonna be okay. There’s still hope.

“Para sa akin, there’s always women, there’s always people out there that are interested sa akin.

“But I realized now, in life, it’s about finding the right one. Na huwag kang magmadali. Kasi siguro nagmadali ako sa past relationships ko.

“So, this time, I think the next partner that I’d have, I really need to understand the personality of that person.

“Yan ang importante. Looks are just one thing but the heart and the personality of somebody is more important.”

May chance bang magkabalikan sila?

“No! Final na!” mariing sagot ni Nico.

May na-discover ba siya dahil hindi naman siya basta makikipaghiwalay nang walang dahilan?

“Maybe,” tipid na sabi ni Nico.

Did you unfollow her on Instagram?

“No. I blocked her.”

EXPECIALLY FOR YOU

Hindi ito ang unang pagkakataong nag-break sina Nico at Christine.

Noong May 7, 2024 ay sumalang sila sa “EXpecially For You” segment ng noontime show na It’s Showtime.

Dito ay isiniwalat ni Christine na dahil umano sa ilang beses na panloloko at pangangaliwa sa kanya ni Nico kaya sila nag-break.

Bahagi ng pahayag ni Christine: “Sinira niya lahat, e, sinira niya ang buhay ko. Kaya sabi ko, stop [na].

“Kasi ako, that time, namulat na ako sa self ko na sobrang nagbigay na ako ng love to this person, tapos hindi na ako nagtira sa self ko.

“So, alam ko, aminado ako, kapag naghiwalay kami nito, ako yung mas magsa-suffer at masasaktan.

“I gave too much, like, chances. I gave a lot of chances also and then biglang…

“Like, may mga misunderstandings, may mga ganung bagay kami, especially sa work, e.

“So, yun talaga yung nag-trigger for both of us that’s why we broke up.

“It’s so hard, lalo na ako nahirapan akong i-balance yung work and being in a relationship, nahihirapan ako that time.

“Hindi ko rin siya nabibigyan ng time. And then siya also, lagi siyang nag-a-out-of-town.

“I gave him a lot of chances to become a better person every day.”

Dagdag pa niya: “I don’t know coz I genuinely love him and he knows that.

“He knows na he’s my first boyfriend din so I gave everything to him.

“I gave him a lot of chances because I just want him to feel also na there’s one person that can truly love him na hindi na niya kailangang hanapin pa sa ibang tao.

“He was the one who told me na nagkaroon siya ng mga failed relationship before, and I don’t want him to experience that again anymore.

“I just want to give him hope that he can truly love someone, like, genuinely, at hindi na niya yon kailangang hanapin sa iba.”

Reaksiyon naman ni Nico: “Ayoko mag-excuses, e. I’m not gonna stand here and make excuses. Pero, relationships are black and white.

“There’s a lots of grays and ibang colors so maraming nangyayari sa isang relationship, hindi perpekto ang relationship namin.

“Maraming times na nag-separate, nagbalik, ganun, paulit-ulit.

“Hindi siya perfect. Ako, hindi ako perfect, marami akong kasalanan sa buhay ko. And I’m sure everybody’s watching this, may kasalanan din sila.

“Unfortunately, nag-fail ako sa relationship na ito.”

Wala rin daw siyang masisisi kundi ang sarili niya sa pagkakasira ng tiwala sa kanya ni Christine.

Aniya, “Wala naman siyang kulang. Ako ang may kulang.

“Growing pa rin ako. Kahit 29 na ako, I still a lot to learn. Malayo pa ako to be honest.”

Tanong sa kanya ni Vice, “Why did you still cheat? Why do cheater cheat kahit na nakita na nila yung pinakamaganda, pinakamabait, pinakamaalaga, pinagdarasal nila, bakit pa sila nagloloko? Do you understand yourself, bakit mo nagagawa yon?”

Sagot ni Nico: “Hindi, actually. Sinabi mo na, hindi ko rin naiintindihan ang sarili ko kaya hinahanap ko sa iba.

“I’m not saying na tama yan, that’s a natural instinct where us as humans na, I think, I don’t understand myself, hindi ako sure sa sarili ko.

“Ang hirap i-pinpoint yung problem ko.”

Lumalabas na pagkatapos nilang sumalang sa “EXpecially For You” ay nagkabalikan sina Nico at Christine. Pero nag-break muli.

Bukas ang PEP.ph sa panig ni Christine kaugnay ng mga bagong pahayag ni Nico sa kanilang breakup.