National Economic and Development Authority, mangiyuswat ti konsultasyon para iti Trabaho Para sa Bayan, segun iti DOLE
abyasa
LAOAG CITY – Inbatad ti Department of Labor and Employment (DOLE) a mangiyuswat ti regional consultations ti National
Economic and Development Authority (NEDA) tapno mapunuan dagiti panagkurkurang iti plano a “Trabaho Para sa Bayan”.
Ti Trabaho Para sa Bayan plan ket 10 a tawen nga employment roadmap a makatulong iti panangparnuay iti saan a nababbaba ngem tallo a milyon a trabaho iti 2028.
Maipalagip nga idi 2023, pinirmaan ni Presidente Ferdinand “Bongbong” Marcos Jr. ti Trabaho Para sa Bayan Act, gagem na ti mangipaay ti suporta iti micro, small, and medium enterprises ken industry stakeholders.
Inbatad ni Labor Secretary Bienvenido Laguesma a dagiti industriya iti serbisyo nga adda ti pakainaigan na iti salun-at, turismo, konstruksyon, Information Technology-Business Process Outsourcing, enerhiya, agrikultura, edukasyon, ken dagiti creative industry industriya ket mabalin a makaparnuay ti trabaho para kadagiti Pilipino.
Segun ken ni Laguesma, dakkel a paset ti kasapulan a de-kalidad a trabaho ket adda iti manufacturing kasta pay ti transportation ken logistics.
