Nasurok P200-M a gatad ti taraon kadagiti posible a madadael ti Bagyong Julian idiay Northern Luzon, nakasaganan segun iti Malacañang
Ben Madilynn
Agtultuloy ti panagsagana ti gobierno para iti posible nga epekto ti Bagyo Julian ditoy pagilian.
Segun iti Malacañang, nasurok a 263,000 a family food packs nga aggatad iti 242.53 million pesos ti nakasagana para iti Northern Luzon.
Nasurok met a 75,000 food packs nga aggatad iti 56.13 a milion a pisos ti nakasagana para iti Ilocos Region, ken nasurok a 123,000 a food packs nga aggatad iti 136.15 milion a pisos para iti Cagayan Valley.
Idinto a 64,000 a food packs nga aggatad iti 50.24 milion a pisos ti nai-preposition para iti Cordillera Administrative Region.
Iti agdama, nakaibayog dagiti tropical cyclone wind signals iti nalawa a paset ti Northern Luzon gapu iti epekto ti Bagyo Julian.
