Nasurok a 20 nga ubbing, mapagam-amkan a pimmusay iti pannakaidungpar ken pannakauram ti nagluganan da a bus idiay Thailand
LAOAG CITY – Naidungpar ken nauram ti maysa a bus a nagkarga kadagiti ubbing nga agad-adal iti primary school iti ruwar ti ciudad ti Bangkok idiay Thailand.
Basar iti report, adda ti 16 ngs ubbing ken tallo a mangisursuro ti nakalasat idinto a 22 nga ubbing ken tallo a mangisursuro ti nagtalinaed a saan a makita.
Inbatad ti transport minister a walo kadagiti 19 a nakalasat ket manarimaan paylaeng a maag-agasan iti ospital.
Naamoan a ti nasao a bus ket naggapo iti field trip iti northern province ti Uthai Thani.
Inpakaammo ti transport minister a ti nasao a bus ket patpatarayen ti “extremely risky” a natural gas isut gapu na a kitkitaen na ti possible a naan-anay a pannakaipawil ti kastoy ti klase na a gas.
Mainaig iti daytoy, inbatad ni Thailand Prime Minister Paetongtarn Shinawatra a ti insidente ket nagresulta ti pannakatay ken pannakasugat dagiti biktima ngem saan pay a masinunuo ti eksakto a bilang dagiti pimmusay.
Ti Thailand ket maysa kadagiti addaan ti karisgoan a kalsada iti intero a lubong ken addaan ti saan a natalged a behikulo nga agresresulta ti pannakatay ti 20 ribo a tattao ti kada tawen.