Ben Madilynn
Impakaamo ti Commission on Elections-Abra nga awan paylaeng ti nangipila iti kandidaturana iti umuna nga aldaw agingga iti maikapat nga aldaw ti filing of Certificate of Candidacy para iti provincial position.
Nupay kasta, namnamaen latta dagitoy inton sumarsaruno nga aldaw nga addan to dagiti agngayangay nga agkandidato a mangipila iti kandidaturana.
Kagiddan dayta, naannayas met ken natalna ti nasao a probinsya iti umuna nga aldaw agingga idi kalman bayat ti panangipila iti Certificate of Candidacy (COC) iti nasao nga ili.
Impasigurado pay ni Pcapt. Aldrin Alipio, Acting Chief of Police ti Lagangilang Municipal Police Station (MPS) ti nainget a panagbantay dagitoy agingga nga agleppas ti filing of Certificate of Candidacy (COC) inton October 8.
