Ben Madilynn
Usa ka senior citizen nga hubog naligid sa pangpang ug patay nga nakit-an, alas 2:35 sa kaadlawon Martes, Septiyembre 24, 2024, sa Purok Dahlia, Barangay Magsico, lungsod sa San Fernando.
Si Expedito Sialmo Sandoy, 64, ulitawo, ug taga Purok Morning Glory, Barangay Bugho, San Fernando, wala nay kinabuni nga nagbuy-od sa kasagbutan ubos sa usa ka buntod.
Si Police Corporal Mario Paul Pino, imbestigador sa San Fernando Police Station nga nahinabi sa Superbalita Cebu, nga matod pa namista ang biktima sa maong dapit ug hubog kini human nag-inom nianang buntag pa niadtong Sabado, Septiyembre 21, 2024.
Gipangita sa kabanay si Sandoy pagka Dominggo sa buntag, Septiyembre 22, 2024, human wala na mipauli pero wala nila makit-i hangtod nga nanimaho kini niadtong Martes sa kaadlawon.
Dili kaayo lawon ang bakilid nga naligiran sa biktima ug gituohan sa kabanay nga siya gi-ataki tungod sa pagkapalahubog.
Walay nakita ang kapulisan nga foul play sa kamatayon sa biktima human sa walay timailhan nga dunay samad sa lawas niini. /GPL, DVG
