Ben Madilynn
Moabot ngadto sa 42 ka mga tawo ang nadakpan sa Parian Police Station human naaktuhan nga nagsugal pinaagi sa pagpasabong sa mga kaka niadtong alas 10:30 sa gabii, Lunes, Septiyembre 23, 2204 sa Sityo Lawis, Barangay Lorega San Miguel, Cebu City.
Matod ni Police Major Marvin Fegarido, hepe sa Parian Police Station nga nakadawat sila og tawag gikan sa 911 National Hotline nga nagpahibawo nga adunay nagsugal.
Daw morag naay pista sa maong dapit tungod sa kasaba sa mga sugarol gumikan sa sininggitay ilabi na kon magpinaakay ang mga damang nga tungod ani usa sa mga residente ang mitawag sa hotline.
Dali nila ni nga girespondehan ug ilang naabtan ang mga sugarol nga nag paaway sa kaka diin silang tanan na surprisa sa presensya sa mga polis ug wala makadagan nga tungod ani ang 42 naposasan.
“Naay nanawag sa station thru 911 ang National Hotline nga naay nagsugal pinaagi sa paaway sa kaka, mao niresponde ang atong personnel,” matod ni Police Major Fegarido.
Nasakamit sa mga polis ang upat ka improvised small boxes nga adunay sud nga 32 ka buhing kaka lakip na ang improvised spider fighting arena ug kwarta nga mokabat sa P2,470.
Ang mga nasikop mao ang mosunod: Maruel Aton, 27; Tirso Ligarte Lambo, 28; Jilldon Capada Emeterio, 25; Philip Anzel Caballero Tradio, 22; Reynaldo Del Castillo Intia Jr., 22; Nestor Mendoza Cabello, 64, taga Sityo Puso, Brgy. Basak San Nicholas, Cebu City; Reynaldo Purpos Intia, 44, taga Sitio San Roque, Brgy. Lorega San Miguel; Jay Cliff Arbol Magdasal, 22; Reynaldo Vergara Diaquino, 34; Jay Booc Borreros, 35; Cayetano Tan III, 22; Robert Tubo Patigayon Jr., 19; Stephen Genson Lamdag, 19.
Lakip na nga nasikop sila si: Jhufil Ramirez Flores Jr., 19; Kenneth Velasquez, 21; John Clarenze Paul Gador, 20; Jener Josh Mancao Esperanza, 18; John Albert Gorre Legaspi, 20; Charlie Oblianda, 20; Manuel Pasana Buayaban, 20; Almon Carl Booyaban Monreal, 21; Manly Villaro Booyaban, 27; Joel Abing Laurente, 41; John Carlo Purpos Sanchez, 28; Candelario Abing Bolotaolo, 46; Carlos Miguel Alvarado Delalamon, 22; Mel Clyd Fabroa Nasibug, 32.
Nadakpan sab sila si: Jonuel Villamia Cuico, 33; Joey Barrita Angtiampo, 48; Jhunbe Lamosao Abatayo, 28; Jose Wilson Zuñiga Magdasal Jr., 33; Jyxter Padinas Angtiampo, 21, taga Sityo Daclan, Brgy. Tejero; Jey Barrita Angtiampo, 44; Mario Escuadro Gorne, 59; Daryl Pran Labiste, 37, residente sa Sitio Fatima, Brgy. Subangdaku, Mandaue City; Jupath Almaden Benaro, 46 taga, Tayud, Consolacion; Ruben Broñola Yurag Jr., 26, taga Sityo Laurente, Brgy. Tejero, Cebu City; Jundel Nudalo Isugan, 27; Raymond Aguanta Loguiver, 29, taga MJ Cuenco Avenue, Brgy. Carreta, Cebu City; June Tañajura Pelayo, 21; Kenth Del Rosario Gandionko, 28, taga Sityo Laray, Brgy. Carreta, Cebu City ug Milbert Patalinghug Alforque, 25.
Usa sa mga nadakpan nga si alyas Jipoy usa ka utility-messenger sa kompanya ang nagmahay nga natintal siya sa maong pasugal sa kaka.
Iyang gibutyag nga tulo pa ka gabii nga adunay gihimong sabong sa kaka sa ilang lugar ug natintal lang matod pa siya.
“Lingaw-lingaw raman unta to akoa kay naagi rako ba nya nada na man ko sa kahig kay nagtan-aw man, wala may kadaganan kay balay man to,” matod ni alyas Jipoy.
Tungod kay nadakpan si Jipoy nahulga nga mataktak sa trabaho.
Kalapasan sa Presidential Decree 1602 ang ipasaka nga kaso sa Parian Police Station batok sa maong mga sugarol. /AYB
