Nadumaduma a paay-ayam, isagut ti ISPJ kadagiti PDL kagiddan ti Prison Awareness Month
Mario Bautista
Nadumaduma a paay-ayam ti insagana ti Ilocos Sur Provincial Jail para kadagiti Persons Deprived of Liberty kas panangrambak iti Prison Awareness Month ita a bulan.
Iti pannaki-uman ti Bombo Radyo Vigan ken ni Provincial Jail Warden Raymond Tabios, addanto dagiti ball games, chess, dama, badminton ken dadduma pay a mabalin a pakisalian dagiti PDL.
Innayon ni Tabios a napateg daytoy a gundaway tapno maipakita ti talugading ken sportsmanship ti tunggal PDL kasta payen a makatulong iti salun-atda ken mangpatibker iti langen-langenda.
Nupay kasta, allukoyenna amin ida a makipaset ta addanto premyo a maited kadakuada.
