Ben Madilynn
Lalaki nga nabutang sa listahan nga high value target ang na buy-bust sa mga operatiba sa Philippine Drug Enforcement Agency 7 Regional Special Enforcement Team sa abag sa PNP Drug Enforcement Group/ Special Operations Unit 7 ug Cebu City Police Office alas 6:00 sa gabii sa Sitio Bugnay II, Barangay Labangon sa Siyudad sa Sugbo.
Ang suspek giila sa alyas nga Drake, 37, minyo nga residente ra usab sa maong barangay.
Nakuha sa mga operatiba ang upat ka putos sa gituohang shabu nga motimbang sa 60 gramos nga dunay estimated average market value nga P408,000 lakip na ang buy-bust money.
Matod ni Leia Alcantara information officer sa PDEA-7 nga duha ka semana nila nga gipaubos sa case buildup ang maong suspek human nigawas ang iyang pangalan sa report sa komunidad.
Base sa ilang nakuha nga kasayuran nga makabaligya ang suspek og 50 gramos matag semana.
Si alyas Drake nadakpan na niadtong 2017 sa kaso gihapon sa ilegal nga drugas apan nakapiyansa.
Bisan gipasakaan na og kaso , wa mohunong ang suspek sa pagpamaligya sa ilegal nga drugas.
Ang mga nakuhang ebidensya giduso na sa PDEA-7 Laboratory alang sa himuon nga chemical analysis.
Giandam na usab ang kasong kalapasan sa Section 5 ug 11, Section II, Republic Act 9165 ang ipasaka sa PDEA 7 batok sa maong suspek. / AYB
Source: Naapil sa listahan sa PDEA7 nasignit
