abyasa
LAOAG CITY – Inkalintegan ni Movie and Television Review and Classification Board (MTRCB) Chairman Lala Sotto-Antonio ti panangipaayna ti X-rating iti documentary film nga Alipato At Muog ken ti comedy-drama film na Dear Satan.
Inbatadna a ti pelikula nga “Alipato at Muag” ket maipanggep iti pannakakumaw ken pannakapukaw ti aktibista a ni Jonas Burgos idi pay laeng 2007.
Inlawlawagna a da Movie and Television Review and Classification Board reviewers Fernando C. Prieto, Glenn B. Patricio ken Jose V L. Alberto ti nangited ti X-rating iti nasao a pelikula no sadinno mangitantandudo ti pelikula a makissayan ti panagtalekda iti gobierno.
Iti pelikula a “Dear Satan” ket kuna ni Sotto a nainsulto daytoy kas kristiyano.
Ipakpakita ti pelikula ti kinasingpet ni Satanas kalpasan nga aksidente a naipatulod ti ubing ti surat kenkuana imbes a ken ni Santa.
Immunan nga inbatad dagiti producers ti pelikula a suktanda ti paulo ti pelikula gapu iti negatibo a komento a maaw-awatda.
