Ben Madilynn
Maraming nagpapa-tattoo bilang self-expression ng kani-kanyang paniniwala, halaga, o pakikianib.
Maaaring mag-represent ang mga tattoo sa cultural, spiritual, or religious identities.
Para sa aktres na si Mercedes Cabral, self-expression niya ang body piercing sa kanyang ilong at kaliwang tenga.
“Matagal na ito. Four years, four years na siya,” pagmumuwestra ni Mercedes sa kanyang nose ring.
Eksklusibong nakapanayam ng PEP si Mercedes sa 70th birthday celebration ni Direk Joel Lamangan noong Setyembre 21, 2024, Sabado ng gabi, sa Alba’s restaurant, Morato Avenue, Quezon City.
Dagdag ni Mercedes, “Tinatanggal ko siya kapagka siyempre may shoot. At least, hindi siya noticeable na may piercing ako, di ba?”
Padadagdagan pa ni Mercedes ang piercing sa kanyang left ear.
MERCEDES CABRAL ON BODY PIERCING
Bakit siya mahilig magpa-piercing?
“Wala lang… like this is me, siguro as an artist. I am a visual artist din. And visual artists take by heart,” tugon ni Mercedes.
“Kasi, yun ang gusto ko talaga since I was a kid. So maybe it’s something like part of my identity.
“Like, I did it for myself. Kasi I find it like… alam mo yun, it’s something different. And I find it beautiful.”
Three years ago nagpa-pierce siya sa tenga. Masakit ba iyon?
Natigilan sandali si Mercedes, “Sabi ng piercer ko, baka daw mataas yung pain tolerance ko.”
Sa physical pain. Pati sa…
“Emotional? Ha! Ha! Ha! Ha! Probably. Ha! Ha! Ha!” paghalakhak ng Kapamilya actress.
“Hindi. Pero parang naging ugali ko rin yun na tine-test ko yung sarili ko na alam mo yun, as long as kaya ko pa, or hindi pa ako nagre-reach ng limit. OK lang ba?
“But the physical pain, para sa akin, it felt like just a dull pressure, e. Kaya sabi ng piercer ko, ‘Maybe your pain tolerance is high.’”
Sa pelikula, may time na naroon ang ear piercing niya. Iyong nose ring, hindi pa nakunan sa movie or TV show.
Pagturo niya sa nose ring, “This one, I remove this every time I shoot talaga. Kasi nga it’s very noticeable and siyempre, pag nasa screen ka pa, pag tiningnan mo, baka yung attention mo, mapunta na lang dito.”
Photo/s: @mercedes_cabral on Instagram
May nag-influence ba sa kanya para magpa-body piercings?
“Wala. It’s my own decision.”
Balak ba niyang magpa-pierce din sa tago o maselang bahagi ng kanyang katawan?
“No,” mabilis na sagot ni Mercedes.
MERCEDES CABRAL VS CHERRY PIE PICACHE IN FATHERLAND
Bargas ang talakan nina Mercedes Cabral at Cherry Pie Picache sa pelikulang Fatherland, sa direksiyon ni Joel Lamangan. May involved na tabo!
Red: Cherry Pie Picache at Mercedes Cabral, tulungan off cam
“Of course it was different because it was film. It’s not TV. So, yung proseso is very different,” lahad ni Mercedes.
“And yung characters are reversed na. Kasi si Miss Pie yung bad character, ako naman yung mabait.”
Sa Kapamilya teleseryeng FPJ’s Batang Quiapo ay mahaderang jumper (kabit) ni Rigor (John Estrada) ang karakter ni Mercedes na si Lena, samantalang si Cherry Pie ang mabait na legal wife ni Rigor na si Marites.
Kasama nila sa bahay ang eksenadorang si Roda, na ginagampanan ni Direk Joel.
Pagpapatuloy ni Mercedes, “It’s a very interesting experience for me. At the same time, sobrang nae-enjoy ko siya.
“Kasi, naramdaman ko talaga na it was collaborative, and siyempre, first time working with Direk Joel Lamangan as a director.
“I’m very grateful and happy na kinonsider niya ako for this role. And working with Miss Pie sa film, ano, e… I feel grateful and I really enjoyed it.
“Kasi malaking bagay na komportable ka na sa co-actor mo and nababasa nyo na rin ang isa’t isa.
“So, ang sarap lang ng feeling. Kasi may pressure din in a way na kailangan mong galingan talaga but at the same time, it was smooth.
“Kasi magkakilala kayo and I was comfortable. So masarap, ang sarap niya na experience, working with Miss Cherry Pie, and working with Direk Joel Lamangan as a director.”
FPJ’S BATANG QUIAPO STILL A TOP-RATER
Napag-iiwanan ng FPJ’s Batang Quiapo ang katapat na Pulang Araw sa game of ratings.
“Siyempre, grateful ako sa mga writers, sa mga direktor namin. Kasi, hindi naman din magiging ganun ka-effective yung characters na pino-portray namin kung hindi sa guidance ng mga directors and writers namin,” pagmamatwid ni Mercedes.
“And malaking bagay siyempre yung mga co-actors mo. Kasi they’re giving you… alam mo yun, yung tamang emosyon for you to just react, e.
“Kaya ang laking bagay pag ang gagaling din ng mga co-actors mo. It makes your job easy talaga. Kasi binibigay na lang din sa yo, e.
“All you have to do is react based on who you are, as your character.”
After shooting Fatherland, na-inspire ba siyang gumawa pa ng more movies bilang breather sa taping sa teleserye?
Tumango si Mercedes, “Of course. Siyempre sa akin, nag-start ako sa pelikula, and I always enjoy doing movies talaga.
“So ako, siyempre with TV din, it’s a different… I think, like feel and process. It’s different and nae-enjoy ko rin yung TV.
“Magkaiba talaga, TV and film. But I love doing films, and yes, nai-inspire akong gumawa.
“And sana, sana hindi pa ito ang huli na makakatrabaho ko si Direk Joel Lamangan as a director. Kasi, nae-enjoy ko siya as a director.”
Nasa cast din ng Fatherland sina Allen Dizon, Iñigo Pascual, Max Eigenmann, Angel Aquino, Ara Mina, Jeric Gonzales, Jim Pebanco, Rico Barrera, Abed Green, Bo Bautista, at marami pang iba.
Joint venture ito ng BenTria Productions ni Engr. Benjie Austria, at Heaven’s Best Entertainment ni Harlene Bautista.
Photo/s: Jerry Olea
