Ben Madilynn
Duha ka kilo sa gituohang shabu ug gibanabana nga mobalor og P13,600,000 ang nasakmit gikan sa usa ka 17 anyos nga lalaki sa buy-bust sa Sityo Aroma, Brgy. Subangdaku, Dakbayan sa Mandaue, alas 2:40 sa hapon, Biyernes, Septiyembre 6, 2024.
Ang operasyon gilusad sa Philippine Drug Enforcement Agency (PDEA) 7, Naval Forces Central, Mandaue City Police Office (MCPO) ug Drug Enforcement Unit sa Police Regional Office (PRO) 7.
Si Leia Alcantara, information officer sa PDEA 7, nga tulo ka semana nga gipaubos sa case build up ang maong suspek human madawat ang impormasyon gikan sa usa ka confidential informant.
Sa nakuha nga kasayuran, makabaligya ang maong batan-ong lalaki og usa ka kilo matag semana, kinsa bag-ong naila sa kapulisan sa negosyo sa gidiling drugas.
Sa pagkakaron, ang menor de edad gipaubos sa proseso sa pagpatug-an sa tinubdan sa ilegal nga drugas ug bisan menor ang suspek apan kasong kalapasan batok sa gidiling drugas ang giandam batok sa kaniya. / AYB
