Maysa a drug personality, naarestar babaen iti Philippine National Police iti ili ti Pinili

LAOAG CITY – Naarestar ti maysa a drug personality babaen iti Philippine National Police iti ili ti Pinili.

Binigbig ni P/Cpt. Kester Arellano ti akusado nga agnagan ti Joseph Marques, agtawen ti 55, naasawaan, maysa a mannalon ken residente ti Brgy. Ukon iti ili ti Pinili.

Naarestar ti akusado babaen iti dua a warrant of arrest nga inyatnag ni Hon. Felix Salvador, ti presiding judge ti Regional Trial Court ti Branch iti siudad ti Batac no sadinno naglabsing ti akusado iti Sec. 5 wenno Illegal Selling of Shabu ken Illegal Possesion of Shabu babaen iti Republic Act No. 9165 Comprehensive Dangerous Drugs Act of 2002.

Segun ken ni Arellano ti nadakamat nga akusado ket naiwayatn ti Anti-Illegal Drug Buy-Bust Operation idi napan a bulan ti Marso.

Inbatadna a saanda a naipila a dagos ti kaso kontra iti akusado, rason a nagtinnag daytoy naipila kas regular filling kalpasan a naawatda ti warrant of arrest kontra iti nadakamat nga akusado ket dagos daytoy a naimplementar ken naarestar iti mismo pagtaenganna.

Iti agdama, nagtalinaed iti kustodiar  ti Philippine National Police iti ili Pinili ni Barques ken manamnama a maidatag iti korte a naggapuan ti warrant of arrest.