Mario Bautista
Nangipaulog ni Presidente Ferdinand Marcos Jr ti Proclamation No 699 a mangidekdeklarar iti maikapat a lawas ti Oktubre iti tinawen kas “Moving Forward Paddling Week Philippines”.
Segun iti Presidential Communications Office, inruar ni Marcos ti proklamasyon tapno itag-ay ti Pilipinas kas paddling destination ken sport and leisure activity.
Amin a national government entities, pakairamanan ti government-owned wenno controlled businesses ken state universities and colleges. Let kasapulan nga aktibo a makikaysa ken tumulong iti PSC para iti husto a pannakaipatungpal ti Proclamation 699.
Naallukoy pay dagiti local government unit, non-government organization, professional associations, ken ti pribado a sektor a mangipakita iti isu met laeng a suporta iti sports body.
Kabayatanna, ti Pilipinas ti aghost iti 2024 International Canoe Federation Dragon Boat World Championship manipud Oktubre 28 agingga Nobiembre 4 idiay Puerto Princesa City, Palawan.
