Mapatta-patta nga umabot iti nasurok P700-M ti nadadael nga infrastructure projects iti ili ti Paoay, segun iti MDRRMO
abyasa
LAOAG CITY – Inpakaammo ni Engr. Jesus Bacena, mangidadaulo iti Municipal Disaster Risk Reduction Management Office iti ili ti Paoay a mapatta-patta nga umabot iti nasurok P700-M ti nadadael nga infrastructure projects iti nadakamat nga ili gubuay iti Bagyo Julian.
Segun kenkuana, dagiti nadadael nga imprastruktura ket pakairamanan dagiti kalsada, rangtay, ken wall protection.
Innayonna a basar iti assessment ti Agricultural Office ti nasao nga ili ket mapatta-patta a nasurok P40-M ti nadadael kas iti pagay, high value crops ken dadduma pay.
Nupay kasta, kinunana a saan pay a karaman ditoy ti nadadael iti benneg iti fisheries.
Kinunana nga adda ti 22 a barangay ti nagbalin a flooded areas iti nadakamat nga ili.
Kabayatanna, kinunana a mannarimaan ti clearing operationda kadagiti naapektaran a barangay iti nadakamat nga ili gapu iti iduduprak iti Bagyo Julian.
