Mango Harvesters painting, natakaw

Natakaw ti 1936 painting “Mango Harvesters” ni National Artist Fernando Amorsolo babaen kadagiti dua a bisita ti Hofileña Museum iti Cinco de Noviembre Street idiay Silay City, Negros Occidental.

Inruar ti Silay Heritage ti apela tapno kiddawen ti pannakasapul ti painting.

Idiaya ti Silay City Government ti P25,000 cash reward para ti makaited iti impormasyon tapno makemmeg dagiti suspek ken masapulan ti painting.

Segun ken ni Silay City Police Chief PLt. Col. Mark Anthony Darroca, dua ti persons of interest a nakita ti security footage a nangtakaw iti painting manipod maikadua a kadsaaran iti museum.

Dagiti dua a suspek ket kadua dagiti innem a bisita bayat ti 15-minute tour iti private museum idi July 3.