abyasa
LAOAG CITY – Natay ti maysa a mabigbig a pulitiko idiay India kalpasan a napaltu-paltugan iti ciudad ti Mumbai.
Basar iti report, pinaltu-paltugan dagiti tallo nga armado a lallaki ti biktima a ni Baba Saddique, agtawen ti 66, iti asideg ti opisina ti anak na a lalaki a pada na metlaeng nga opisyal.
Dagus a natiliw dagiti dua kadagiti suspek idinto a ti maysa ket agtultuloy paylaeng nga an-anupen dagiti otoridad.
Ni Siddique, a dati a local minister ket nabayagen iti lubong ti pulitika iti Maharashtra state a mangiyuswat ti legislative polls iti sumaruno a bolan.
Agpapan ita ket saan pay a nalawag no ania ti motibo iti insidente.
