Ben Madilynn
Ang weather bureau nga Pagasa ang mipahibawo nga ang nasigpatan nga low-pressure area (LPA) duol sa Dakbayan sa Sugbo ang gikabalak-an nga mamahimong tropical cyclone.
Ang LPA ang nahimutang 2,411 kilometros ang gilay-on sa Visayas region.
Si Engr. Alfredo ‘Al’ Quiblat Jr., Pagasa Visayas Chief nagkanayon nga magpadayon sila sa pag-monitor sa sitwasyon nga gibanabana nga mosud karong adlawa Miyerkules, o sa adlawng Huwebes.
Samtang gipahimangnoan ang mga mananagat ilabi na niadtong mogamit sa mga gagmayng sakayan sa pangisda nga magbinantayon sa dagan sa panahon.
Hayan adunay gale warning nga luwatan ang Pagasa sa higayon nga masinate ang bati nga kondisyon sa panahon nga moresulta sa pagkanselar sa mga biyahe sa barko.
Ang publiko gipahinumduman nga mangandam sama sa emergency supplies ug gamit sa komunikasyon. / JBB
