Lalaki sadiay China, maatap a pimmusay kalpasan ti panakaikkat ti dua pulo ket tallo a ngipin daytoy iti maysa a session
Ben Madilynn
Kaya yu kadi ka-Bombo nga agipaikkat iti dua pulo ket tallo a ngipin iti maysa a session.
Ngem, kasano ngay nu daytoy ti mangitunda iti ipupusay mo?
Ituloy mo pay laeng kadi ka-Bombo?
Ammo yu kadi a maysa a lalaki sadiay China ti maatap a pimmusay kalpasan a naggigidan nga impaikkatna ti ngipinna?
Malaksid iti dayta, kalpasan ti panakaikkat iti ngipinna ket nakargaan pay daytoy iti baro a sangapulo ket dua a ngipin iti kapada met laeng nga aldaw.
Iti panakaipatungpal iti procedure iti lalaki, ditoy a nakarikna daytoy iti inaldaw a panagsakit ti ngiwatna ken inatake iti puso rason a pimmusay.
Gapu iti dayta, panggep ti anak ti lalaki a mangipila iti kaso kontra iti dentista gapu ta sobra ti inikkatna a ngipin.
Iti agdama, manarimaan ti imbestigasyon iti nasao a pasamak agsipud ta saan a makita ti koneksyon nu adda kainaigan ti panakaikkat ti ngipin daytoy iti ipupusay ti biktima.
