Lalaki nga agsagsagaba ti epilepsy, nasarakan a natay iti uneg ti banyo

Mario Bautista October 9, 2024

Nasarakan nga awanen ti biagna ti maysa a lalaki nga agsagsagaba ti epilepsy ken agtawen iti tallopulo ket maysa idiay Barangay Alfonso, Sitio Tangaoan, Gregorio Del Pilar.

Iti pannaki-uman ti Bombo Radyo Vigan kenni Pcapt. Floro Cosning Jr. ti Del Pilar Municipal Station, nakita ti saksi a ni Randel Garcia, agtawen iti tallopulo ket dua, mannalon, ken residente met laeng ti nasao a lugar nga awanen ti biagna ti biktima a nakailumlom ti ulona ti battia a napunno iti danum isu dagus nga in-report na ken ni Police Staff Sergeant Karl Frederick Ciriaco nga isu met ti nangipaka-ammo ti Del Pilar Police Station.

Basar ti pamilia ken kabagian ti biktima nga agsagsagaba daytoy ti epilepsy.

Segun  kenni Pcapt. Cosning, mapan agdigus ti biktima iti alas otso singkuenta ti rabii idi October 7 idi timmikar iti epilepsy-na.

Awan met iti makitada a foul play iti insidente, ken indeklarar ti Municipal Health Office a pannakalmes ti nakatayan ti biktima.