Mario Bautista
Kaso a panaglabsing iti Section 5 Article II iti Republic Act 9165 iti sangwen iti agtawen iti uppat a pulo ket uppat a lalaki, naasawaan nga agnaed idiay Sitio Darao, Brgy. Bungro, Magsingal iti naisayangkat a buy bust operation idiay Sitio Nagaparan, Brgy. Sta. Monica, Magsingal, Ilocos Sur.
Naala manipod iti suspek ti maysa a piraso iti medium size heat sealed transparent plastic sachet a naglaon iti mapapati a shabu nga aggatad ti P15,000 a nagserbi a buy bust item, maysa a piraso iti color black wallet, maysa a piraso iti sangaribo a pisos a buy bust money, maysa nga identification card, maysa a cellular phone, dua a lighter, P160 ken maysa a unit iti motorsiklo a Yamaha mio.
Nasurok kumurang lima a gramo iti mapapati a shabu nga aggatad iti P34,000.
Dagiti naala nga ilegal a droga ket addan iti kustodiya iti Philippine National Police – Drug Enforcement Group SOU 1 ken ti nakemmeg a suspek ket temporaryo a naipan iti SOU 1 Ilocos Sur sub-office para iti documentation ken proper disposition.
