Lalaki a mapukpukaw iti ili ti Paoay, mannarimaan a sapsapulen ti MDRRMO iti nadakamat nga ili ken sumagmamano nga ahensia ti gobierno
abyasa
LAOAG CITY – Inpakaammo ni Engr. Jesus Bacena, mangidadaulo iti Municipal Disaster Risk Reduction Management Office iti ili ti Paoay a mannarimaan ti panagtitinulong ti opisinada kadagiti nagduduma nga ahensia ti gobierno a mangsapsapol iti mapukpukaw a lalaki iti Sitio Banitog, Brgy. San Roque iti nadakamat nga ili.
Nabigbig ti lalaki a ni Bryan Carlo Bulong Judalena, agtawen ti 30, addaan ti live-in partner ken residente iti nadakamat a lugar.
Kinunana nga idi Setiembre 30, 2024 iti rabii a mapukpukaw ti lalaki iso nga insidgida a nangiwayatda ti search and rescue operation.
Segun iti pamilia ti nadakamat a lalaki, immunana a nagbakwitda no sadinno a nagturongda iti pagtaengan ti kabagianda idinto a kinuna ti biktima nga adda ti nalipatanna idiay pagtaenganda rason a nagsubli daytoy.
Nupay kasta, binagaan ti pamilia ti lalaki a saanen nga agsubli pay idiay pagtaenganda ngem inplitna ti nagsubli idinto a mamapiti a saanna a nadanon ti lalaki ti pagtaenganda no sadinno maipagarup a saanna a nasurot ti dalan rason a nagpukaw daytoy.
Kabayatanna, kinunana ni Bacena nga ikarkarigatan ti Municipal Disaster Risk Reduction Management Office ken ti dadduma nga ahensia ti gobierno a saraken ti mapukpukaw nga indibidual.
