abyasa
LAOAG CITY – Nagdinnungpar ti maysa a kotse ken motorsiklo iti paset ti Rodolfo Fariñas Bypass Road iti Brgy. 57 Pila ditoy siudad ti Laoag.
Nabigbig ti driver ti kotse a Toyota Corolla a ni Dee Jay Sabio y Diego, agtawen iti 39 ken residente ti Brgy. 30-A Suyo ditoy siudad ti Laoag idinto a nabigbig met ti nangiturong ti motorsiklo a Suzuki Raider a ni Ivan Cedrick Raymundo, agtawen iti 17 ken residente ti Brgy. 17 Santo Cristo iti ili ti Bacarra.
Basar iti Laoag City Police Station, kabayatan a dumaldalyasat ti nakamotorsiklo nga agpa-amianan ket kellaat a nag-U-turn ti kotse a nangitunda ti panagdinnungparda.
Gapu iti daytoy, nagsagaba ti sugat iti nagduduma a paset ti bagi ti driver ti motorsiklo a dagus a naitaray iti Governor Roque B. Ablan Sr. Memorial Hospital para iti naan-anay a pannakatamingna idinto a saan a naan-ano ti nangiturong iti kotse.
Kabayatanna, agtultuloy pay laeng ti imbestigasion dagiti otoridad maipanggep iti napasamak a desgrasia.
