Kontrata sa Megawide alang sa renovation Carbon Market

Nagtinguha si Cebu City Mayor-elect Nestor Archival nga mo-renegotiate sa kontrata tali sa city hall ug Megawide Construction Corporation alang sa renovation sa Carbon Public Market, aron paghatag og konsiderasyon sa kapin sa 4,000 ka mga manindahay

Sa news forum niadtong Martes, Marso 20, 2025, gihulagway ni Archival ang kasamtangang kontrata, ang 2021 Joint Venture Agreement (JVA) tali sa Cebu City Government ug Megawide, gihulagway nga one sided ug na-agrabiyado ang vendors.

Ang maong proyekto nga adunay daghang hagit, labi na ang pagsupak sa nagkadaiyang market vendors ug asosasyon, nga nahadlok sa pagsaka sa abang ug pagkawala sa ilang puwesto, ug ang pagkutikuti sa pipila ka miyembro sa konseho sa siyudad, lakip na si Archival isip incumbent nga konsehal.

Nagplano si Archival nga makigtagbo sa representante sa Megawide aron hisgutan ang renegotiation ug iya sab nga i-endorso ngadto sa incoming city council aron sa paghimo og aksyon.

Namatikdan ni Archival nga usa sa mga aspeto sa kasamtangang kontrata mao ang pagsaka sa taripa. Dugang pa niya nga ang Siyudad Konseho aduna nay giaprobahan nga bag-ong tariff rate alang sa public market.

“Everytime a vendor gets inside that area, they have to pay a certain amount… Let us say that 4,000 vendors would not fit inside that area,” matud ni Archival.

“The moment they get inside, they have to pay. But the moment they’re done, they have to pull out their goods and when they return they have to pay again,” dugang pa niya.

Nagtuo si Archival nga ang renegotiation makatabang usab sa mga vendors nga mapabilin ang ilang oportunidad nga makapadayon sa ilang panginabuhi.

“And at the same time, the prices of goods and commodities will not increase in the Carbon. Because when we look at the tariff rates, which have already been approved, the price of fish per bail is already P300 from the old rate of P30.00,” matud ni Archival.

Dugang pa niya nga kung walay renegotiation ug magpabilin ang tariff rates, mas mahal ang presyo sa mga baligya sa Carbon Public Market itandi sa ubang gagmay nga public markets sa Cebu City.

Sa sayo pa, niadtong Disyembre 11, 2024, nagpahigayon og protesta rally ang mga vendors gawas sa city hall, supak sa proyekto. Niadtong panahona, gisugyot ni Archival ang usa ka resolusyon nga nag-recall ug nag-revoke sa Nobyembre 6, Sangguniang Panlungsod (SP) Resolutions sa pag-aprobahan sa Cebu City Zoning Board sa variance application sa Cebu2World sa classification sa yuta sa Warwick Barracks gikan sa Institutional 2 ngadto sa Commercial 2. / EHP