Konsulado nakig-alayon sa natanggong nga Pinoy immigrant

Mamila – Adunay direktang komunikasyon ang Philippine Consulate General sa San Francisco sa Pilipinong green card holder nga gitanggong sa awtoridad sa imigrasyon sa United States sa Washington, matod sa Department of Foreign Af­fairs (DFA) niadtong Biyer­nes, Mayo 23, 2025.

Si Foreign Affairs Spokesperson Ma. Teresita Daza nagkana­yon nga ang konsulado nagmintinar usab og “open line” sa US Customs and Border Protection (CBP) ug US Immigration and Customs Enforcement sa Tacoma, Washington.

Iyang gipasalig nga andam ang konsulado nga mohatag og gikinahanglang tabang sa tanang Pilipino nga nanginahanglan og tabang ubos sa hurisdiksyon niini.

“The Philippine Consulate continues to extend appropriate consular assistance to Filipino citizens across its jurisdiction regardless of immigration status, while respecting US laws as well as individual privacy,” asoy ni Daza.

Ang residente sa Olympia City nga si Maximo Londonio, kinsa usa ka Pinoy ni-migrate sa US sa edad nga 12, gikataho nga gidakop niadtong Mayo 15 sa CBP sa Seattle-Tacoma International Airport pagkahuman sa iyang bakasyon sa Pilipinas.

Nibisita siya sa iyang mga paryente kauban ang iyang asawa, si Crystal, ug ang kamanghuran sa ilang tulo ka mga anak.

Gisaulog usab sa magtiayon ang ilang ika-20 nga anibersaryo sa kasal. / PNA