Ben Madilynn
Laman ngayon ng mga usap-usapan sa social media ang naging ‘secret date’ nina Paulo Avelino at Kim Chiu, ilang araw matapos ang pag-amin ni Xian Lim na mayroon na itong bagong girlfriend.
Kamakailan lamang ay ibinahagi ng It’s Showtime Bulilit Star na si Kelsy ang pagbisita ni Paulo Avelino sa set ng ASAP Natin To. Kaagad naman iniuugnay ng maraming netizens na ang pagbisita ni Paulo Avelino sa set ng ASAP Natin To ay may kaugnayan sa actress-host na si Kim Chiu dahil naibahagi rin ni Kim Chiu ang kanyang rehearsal para sa kanyang performance para sa nasabing show.
Bagama’t walang ipinakitang larawan, marami ang naniniwala na si Kim Chiu talaga ang pinunta ni Paulo Avelino sa set ng ASAP Natin To dahil hindi naman umano ito dancer o singer kaya wala itong dapat na i-rehearse sa panahon na iyon.
Sa kabilang banda, marami naman sa netizen na nagsasabing namataan umano nila sina Kim Chiu at Paulo Avelino na tila nagkaroon ng secret date dahil nakasuot pa ang mga ito ng disguise.
Gayunpaman, marami sa mga fans ni Kim Chiu ang hindi naniniwala rito dahil kung totoong magkasama ang dalawa ay hindi na nila kailangan pa na magdisguise dahil pareho naman silang single. Bukod pa rito, tila nakapag-move on na rin naman ang kani-kanilang mga dating karelasyon kaya wala nang rason para itago pa ang relasyon nila kung may katotohanan ito.
Sa ngayon ay patuloy pa ring naghihintay ang mga tagahanga nina Paulo Avelino at Kim Chiu ng pag-amin sa totoong estado ng kanilang relasyon.
