Kaso a frustrated murder ni Barangay Kagawad Jogie Benito iti Brgy. Manalpac iti ili ti Solsona, naibasura
abyasa
LAOAG CITY – Naibasura ti kaso ni Barangay Kagawad Jogie Benito, iti Brgy. Manalpac iti ili ti Solsona a Frustrated Murder apaman a kinumpirmaran ti biktima a ni Benmar Cudal a saan nga isuna ti adda iti likudan ti pammaltog a napasamak.
Segun ken ni Kag. Benito, nasakit ti nakem na iti pannaka-itudo na kas suspek iti pammaltog a napasamak idi napan a bulan ti Agosto iti nasao a barangay.
Kunana a saanna masinunuo no ania ti nagbalin a basaran dagiti otoridad iti panang-arestar kenkuana sipud ta saan met nga innaganan isuna ti biktima.
Ngem nu pay kasta, kalikagom ni Kag. Benito a malawlawagan ti nagan na gapu ta saan laeng a ti kinatao na ti nadadael no di ket agraman ti pamilya na.
Iti agdama ket awan pay ti plano ni Benito nga agipila ti counter affidavit.
Kabayatanna nagpannawagan ni Kag. Benito nga agimbestigar kuma a nasayaat dagiti otoridad kadagiti insidente mapaspasamak tapno awan ti mairamraman nga inosente a tao.
Maipalagip a napilaan ni Kagawad Benito iti kaso a frustrated murder gapu ta maipagarup nga intudo isuna ti biktima a ni Benmar Cudal a nangpaltog kenkuana.
