Kasasaad ni Joshua Pacio,”getting good”sigun kenni Eduard Folayang; manamnama a makasubli iti training
Ben Madilynn
“Getting good,” kasta ti panangiladawan ni ONE Lightweight World Champion Eduard Folayang iti agdama a kasasaad ni ONE Championship Strawweight Champion Joshua Pacio kasaruno ti panakadunor daytoy kadagiti napalpalabas a bulan.
Sigun kenni Folayang, saanen a kinasapulan ni Pacio iti maipasidong iti surgery ngem naipasidong daytoy iti rehabilitation a manamnama a malpas kadagiti umay a lawas wenno bulan.
Kalpasan dayta, impanamnama ni Folayang a makasubli ti Mixed Martial Arts (MMA) fighter iti panagsanayna iti kabiitan a panawen.
Kabayantanna, mangnamnama ni Folayang nga adda ti maischedule kadakuada a laban inton Disyembre ngem kinunana a maur-uray paylaeng ti kontra-ta daytoy.
Mangnamnama pay daytoy a maisubli ti ONE Championship iti Pilipinas kadagiti sumarsaruno a tawen.//Bombo Rob Dominguez
