Karen Davila, Bernadette Sembrano on Henry Omaga-Diaz

Nagbigay ng kanilang mensahe ang TV Patrol anchors na sina Karen Davila, Bernadette Sembrano, at Gretchen Fullido sa kasamahan nilang si Henry Omaga-Diaz.

Nagpaalam na si Henry bilang regular anchor ng TV Patrol nitong nakaraang August 30, 2024, matapos ang halos walong taon bilang bahagi ng Kapamilya primetime newscast.

Sa Canada na maninirahan ang veteran broadcaster kasama ng kanyang pamilya.

Naging bahagi ng TV Patrol si Henry bilang anchor mula 2001 hanggang 2003.

Bumalik siya as permanent anchor ssa TV Patrol noong taong 2020 hanggang ngayong 2024.

KAREN DAVILA: “YOU ARE ONE OT THE NICEST…”

Ilang oras matapos ang live broadcast ng TV Patrol noong Biyernes, August 30, kanya-kanyang posts sa social media ang mga kasamahan ni Henry sa programa, pati na ang iba pang ABS-CBN News personalities.

Nauna na rito si Karen Davila na naging kasamahan ni Henry ng ilang taon sa ABS-CBN News.

Gamit din nila ang initials ni Henry an “HOD” sa ilang nag-post.

Nagpasalamat si Karen sa kabaitan ni Henry.

Mensahe niya, “HOD…. WE WILL MISS YOU! Today is @henryomagadiaz’s last day as an anchor of TV Patrol as he embarks on a new adventure with a life in CANADA.

“Salamat Henry sa naging pakikitungo mo sa aming lahat! You are one of the nicest, coolest and most humble guys in the industry. Walang masamang tinapay kanino man! Very unassuming, low key!

“We will definitely miss your punchlines and your ‘tito’ sense of humour! Thank you Henry. Mahal ka ng napakarami.”

“#tvpatrol #abscbnkapamilyaforever #abscbnnews“

Bernadette SEMBRANO: “LOVE NA LOVE SIYA NG MGA TAO…”

“Number 14” ang call sign ni Henry noong reporter pa lamang ito ng Radyo Patrol ng DZMM.

Ayon kay Bernadette, “lumang tao” o “haligi” ng ABS-CBN News noon pa man si Henry.

Sabi niya, “#14. That’s his jersey number and also his call sign on DZMM. Ibig sabihin, “lumang tao” na siya sa ABS-CBN—that’s how we call each other sa network kapag PIONEER o HALIGI.

“There’s no question that Henry Omaga Diaz is a journalist par excellence! Publicly, saludo ang marami dahil marami na siyang napuntahang giyera (at muntik pa ngang hindi makauwi sa isa), pero iba ang pagmamahal namin sa kaniya. Love na love siya ng mga tao sa likod ng camera—sabi nga ng marami, walang ere.

“Simpleng anchor na wagas makisama sa mga katrabaho. Basketball player pa ang gwaping kong co-anchor!”

Alam daw ni Bernadette na masakit at mahirap ang pagpapaalam ni Henry sa show dahil mahal na mahal nito ang pagbabalita.

Pero, nangako si Bernadette na bibisitahin nila ng asawang si Orange Aguinaldo si Henry sa Canada.

Dagdag niya: “I got to meet the other side of Henry as a family man when I featured him on our YT channel before. They have a restaurant called “IHAW CITY.”

“No matter his passion for his craft, this is a man who would give up being an anchor on TV Patrol—his career—to be with his FAMILY. Mahal niya ang trabaho niya, sobra, so I know masakit at mahirap.

“One thing I admire about this man, he never takes himself too seriously. We goof around all the time, and yes, we play and try to distract each other habang seryosong nagbabasa ang isa! As in sumasayaw at making faces habang nagbabasa ako! That’s something you wouldn’t expect.

“This explains this video that I have with him a couple of days before his last episode on TV Patrol!

“Payback time! Bwahahaha—ako naman dapat ang mang-aasar!

“But as promised, Orange and I will visit you in Canada, and you promised to take us around! Humanda ka—hindi pa tayo tapos!

“We love you, Papa Henry!”

Gretchen fullido: “we are so happy for you.”

Masaya naman kahit papaano si Grecthen na makakasama na ni Henry ang pamilya nito sa Canada.

Sabi niya sa post, “We Love You & We’ll Miss You, Papa Henry!

“It was such an honor and pleasure working with you all these years!

“If only people knew how much fun we had behind the scenes with our TV Patrol family & of course the chikahan portion off cam! Hahaha!

“See you very soon, in Canada @henryomagadiaz!

“Now you can spend unlimited quality time with tita, with your grandchildren & the whole family!

“Safe travels. We are so happy for you!”

jeff canoy and zen hernandez

Hindi rin nagpahuli sa pagbigay ng mensahe ang ABS-CBN chief of reporters na si Jeff Canoy.

Sabi niya sa kanyang post, “HOD is a journo’s journo. A kick-ass reporter. And a bastion of humility. Someone we can only hope to be a fraction of.

“HOD, salamat at good luck sa ‘yong APOstolic duties sa Canada. Ma-mimiss namin ang mga pasabog mo, ang iyong “A1 source chismis”, ang biglaang mga pagyaya na kumain, ang mga medyas na magkaibang kulay at ang pangisi-ngisi mo sa gilid ng newsroom dahil 1) naka-iskup ka 2) o nanalo sa plants vs zombies. Thank you for the mentorship, @henryomagadiaz.”

Gayundin ang TV Patrol Weekend host na si Zen Hernandez.

Saad niya, “One of the best but possibly the humblest! It was an honor to have worked with the legend that is Henry Omaga-Diaz – from TFC’s Balitang Global to TV Patrol Weekend and TV Patrol. But I am most thankful to call him a good friend and mentor. Hanggang sa muling pagkikita @henryomagadiaz!”

Henry Omaga-Diaz: “I’m really overwhelmed by your expression…”

Labis naman ang pasasalamat ni Henry sa mga taong nagpaabot ng mensahe sa kanya.

Sabi niya sa isang short Reel sa Instagram, “Para po sa mga kapamilya, mga kaibigan, at mga nagparating ng mensahe, magagandang mensahe sa inyong likod, maraming-maraming salamat po.

“I’m really overwhelmed by your expression, a show of support sa aking naging serbisyo, sa larangan po ng pamamahayag sa napakahabang panahon.

“Ito po si Henry Omaga-Diaz, hanggang sa muli.”

Ang TV Patrol Weekend host na si Alvin Elchico ang hahalili kay Henry sa TV Patrol daily.