Ben Madilynn
Ipa-audit ni Governor-elect Pamela Baricuatro ang kapitolyo ug ubang kalungsoran sa Lalawigan sa Sugbo sa di pa siya molingkod sa Hulyo 1, 2025.
Sa interview sa ABS-CBN Miyerkules, Mayo 14, 2025, si Baricuatro nitataw nga mosentro siya sa transparency ug empowerment stressing.
“Yeah, that’s my intention before I go into the Capitol, to do audits in the Capitol and also around the municipalities of the Province of Cebu,” matod ni Baricuatro.
Sa pangutana kon molusad og audit ug review sa mga transaksyon sa Kapitolyo samtang gisuspenso og unom ka buwan si Gobernador Gwendolyn Garcia sa Office of the Ombudsman.
“I want to do that for the sake of transparency and accountability, so dapat before I get into the Capitol, I’ll know what I have and what I can work on,” dugang ni Baricuatro.
Ang preventive suspension ni Garcia nanukad sa pag-isyu niya og special permit alang sa desilting activities sa protected area atol sa 2024 El Niño.
Kini maoy ikatulong higayon nga nasuspenso si Garcia sukad niadtong 2012, apan pulos niya gisupak.
Gibutyag ni Baricuatro nga daghan siyag nadawat nga report sa mga transaksyon nga kinahanglan imbestigahon. / CDF
Source: Kapitolyo, kalungsuran ipa-audit ni Baricuatro
