Kandidaturada dagiti mangbukbukkel iti Partido Federal ng Pilipinas-Benguet, opisial a naipilan idi Oktubre 4, 2024
Ben Madilynn
Opisialen a nangipila iti kandidaturada dagiti mangbukbukkel iti Partido Federal ng Pilipinas-Benguet ita nga aldaw ti malem.
Indauloan daytoy ni incumbent Vice Governor Eric “Tagel” Felipe kaduana da sigud a Vice Governor Jhonny Diwas Waguis, Nelson Cagas Dangwa, ken dadduma pay.
Kalpasan laeng iti maysa a termino kas bise gobernador, ngumato ni Tagel iti kina-kongresista iti probinsia ti Benguet iti masungad a 2025 national ken local elections.
Sigun kenkuana, nagtaray daytoy iti nangato a posision gaputa kayatna a pagserbian dagiti umili iti Benguet, ken ti agserserbi a baro a platapormana ket ti “good governance.”
Idi nadamag daytoy nu addan iti nakasagana a proyekto para iti probinsia ti Benguet, kinunana nga agdesision daytoy iti kanito a makatugaw daytoy iti KAMARA nangruna nu addan ti pondo a mabalin a maaramat.
Kabayatanna, karaman iti line-up da ni incumbent Vice Governor Eric “Tagel” Felipe nga agngayangay kas board members iti District 1 ket da sigud nga Itogon Councilor Johnny Galutan,, sigud a Bokod Councilor Jhonar “Kwarog” Rebutazo, ken Myrna Tomini, nga immuna a nangipia iti kandidaturana idi Oktubre a tres.
Para met iti District 2, agsubli kas Board Member ni Jim Botiwey, agpailayon met iti nasao a posision ni Joel Belino Tingbaoen Jr., bayat a baro nga agkandidato kas board member ni Atty. Thorrsson Montes Keith, ken siguda a Department of Public Works and Highways-Cordillera Assistant Regional Director Engineer Alexander Castanyeda, a mangipila ti kandidaturana inton Oktubre sais.
Ti Partido Federal ng Pilipinas-Benguet ket political party ni President Ferdinand R. Marcos Jr. nga addaan ti plataporma a “Values. Land. People.”
