Ben Madilynn
KAILAN BA TALAGA KAYO NAG-MEET, LUNCH O DINNER?
Sa pagdinig ng House Quad-Committee noong Agosto 22, sinagot ni dating presidential spokesperson Harry Roque ang tanong ni 1-Rider party-list Rep. Rodge Gutierrez kung paano unang nakilala ng kanyang dating executive assistant na si AR Dela Serna si Cassandra Li Ong ng POGO hub na Lucky South 99.
Sinabi ni Roque na nakilala ni Dela Serna si Ong sa isang pagtitipon ng tanghalian matapos silang dumalo ng pagdinig sa isang korte.
Subali’t nang tanungin ni Gutierrez noong Agosto 28, ikinuwento naman ni Ong ang una nilang pagkikita ni Dela Serna sa isang dinner meeting nila ni Roque noon.
Narekober sa isang raid ng Presidential Anti-Organized Crime Commission (PAOCC) sa Lucky South 99 sa Porac, Pampanga, ang appointment papers ni Dela Serna bilang Executive Assistant III sa ilalim ng opisina ni Roque, na may petsang Oktubre 5, 2021, kasama ang affidavit mula kay Roque na nag-aako ng buong responsibilidad para sa pinansyal na pangangailangan ni Dela Serna sa kanyang paglalakbay sa Poland, Ukraine, at Italy noong Oktubre 2023.
#PilipinasToday
#HarryRoque
#CassandraOng
#WannaFactPH
