Julie Anne San Jose prefers traditional church wedding

“For me, yes, oo naman po.”

Ito ang sagot ni Julie Anne San Jose nang matanong muli kung ang boyfriend na si Rayver Cruz na ba ang “the one” para sa kanya.

Pero nang tanungin kung handa na ba siya sa marriage proposal ng nobyo, sagot ng Kapuso singer-actress: “E, hindi po ako makakasagot niyan.

“Dahil di pa po natin alam kung kailan but, eventually, kapagka dumating naman po yung time na ready na pareho, ready na ako, of course, God’s will naman, di ba?

“So I mean, you know, everything will fall into place.”

May dream wedding na ba siya?

Karamihan kasi ng mga babae ay pangarap ikasal sa kanilang pamamaraan dahil minsan lang ito dumating sa buhay nila.

Sagot ng Slay star: “Uhm, dream wedding?

“Kasi ever since bata ako, gusto ko, e… gusto ko simbahan. Kasi very ano yung… very traditional din kasi yung pamamaraan ng pamilya ko, e.

“So I also want to, you know, like, preserve that tradition doon sa family namin.

“And if ever na magkakaroon ng, you know, like, whatever decision naman, yeah, maybe out of the country. I don’t know.

“Di ko talaga masasabi, di ba?

“Pero simbahan pa din. Ah, hindi pa namin sure.

“Di ko pa sure kung ano yun, mapagpaplanuhan naman yan kapag nasa tamang panahon.”

Pero yung wedding proposal ba handa na siya anytime?

Nasa tamang edad na rin kasi sila. Siya ay 31 years old, samantalang 35 years old naman si Rayver.

“Siyempre di ko pa puwedeng sabihin sa inyo kasi…” biro ni Julie Anne.

“But of course, ako naman ay, you know, ako ready naman rin po ako, e.

“Because parang nasa state na rin kasi ako ng buhay ko na gusto ko naman i-enjoy, e, ang buhay.

“Gusto ko naman, you know, like, mag-focus din sa happiness ko.

“Kasi, for the longest time, yun, parang mas focus ako sa career, focus ako sa studies. Focus ako sa trabaho, di ba?

“So, parang ako naman, you know, I really want to make the most out of it.

“I want to enjoy life. I want to, you know, I want those goals na matupad din.”

Nakausap ng PEP.ph (Philippine Entertainment Portal), kasama ang 24 Oras at Manila Bulletin, si Julie Anne sa backstage ng event niyang Simple G Confidence Club sa Market, Market mall, Taguig City, noong Sabado May 31, 2025.

Sa nasabing event, nagkaroon ng pagkakataon si Julie Anne na makasama ang mga kabataang tumatangkilik sa iniendorso niyang shampoo, conditioner, sabon, at lotion.

Importante raw kay Julie Anne na mapangalagaan lalo ang kanyang balat ngayong palagi siyang naarawan.

Saad niya: “Tsaka importante na ano, na talagang kailangan nating alagaan ang balat natin kasi ako, lagi akong exposed sa sun, lagi akong exposed sa heat, sa lights especially.

“So it’s really important that, you know, you take care of your skin and your hair.

“Kasi, yun ang number one requirement pagka… di ba, yan ang puhunan natin kaya talagang kailangan na alagaan yun.”

JULIE ANNE SAN JOSE ON slay sisterhood

Ngayong magtatapos na ang Slay, ang murder-mystery series ng GMA Network at ng Viu, sinabi si Julie Anne na nagkaroon sila ng sisterhood bonding ng mga kapwa niya bidang sina Gabbi Garcia, Ysabel Ortega, at Mikee Quintos.

Kuwento niya: “Sobra, sobra.

“Kasi before, alam ko naman na talagang mga busy yung schedules and we were friends na talaga even before pa.

“But, you know, mas naging close talaga kami dahil dito sa project na to.

“And kahit na off-cam kami or ano, basta’t nagtatawagan pa rin kami, nagkakamustahan pa rin kami. Ayun.

“And recently, we also went out with the other cast, with the other members of Slay.”

Ngayong magtatapos na ito sa GMA, may kaabang-abang bang plot twist na aabangan ang viewers?

Sabi ni Julie Anne, “Naku, I think napanood na most of the people who have been watching Slay.

“Napanood na nila kung anong ending sa Viu.

“But you have to see the GMA cut kasi iba yung edit niya, e.

“Kaya I’m also happy and excited din for the people to see.

“Kasi nga ano yun siya, kakaibang murder-mystery yung ginawa namin, so ayun.

“I really had a good time filming the series with Gabbi, with Mikee, and Ysabel kasi sobra talagang galing nila.

“And aside doon sa fact na magkakaibigan kaming lahat, e, talagang sobrang nag-enjoy kami habang ginagawa namin yung project to.”