Ben Madilynn
Ngayon ay usap-usapan sa social media ang video ni Jolina Magdangal sa kanyang house-to-house campaign para sa ‘Leni-Kiko tandem.’ Sa nasabing video, makikitang umabot pa siya sa balkonahe ng isang bahay sa Laguna at nakumbinsi ang may-ari na maglagay ng ‘Leni-Kiko’ poster.
Ayon sa ulat ng KAMI, bukod sa pagiging performer at host sa mga rally ni Leni Robredo at kanyang grupo, aktibong sumasama rin si Jolina sa house-to-house campaign lalo na at malapit na ang Halalan sa May 9.
Sa naturang video, makikita ang makulit na pagsasayaw ni Jolina na tila nakumbinsi niya ang may-ari ng bahay na maging supporter ng ‘Leni-Kiko’ tandem. Nakakatuwa rin ang nakikitang ‘convincing powers’ ni Jolina ayon sa mga netizens lalo na’t papalapit na ang eleksyon.
Isa si Jolina Magdangal sa mga kilalang personalidad na nagpapakita ng suporta sa kandidatura nina Leni Robredo at Kiko Pangilinan. Kasama rin sa mga volunteers si Mark Escueta, mister ni Jolina at drummer ng Rivermaya.
Ipinahayag din ni Jodi Sta. Maria ang kanyang suporta sa ‘Kakampink.’ Kamakailan lamang, nagsalita si Jodi sa pagiging isa sa ‘Kakampink’ at suporta din sa senatoriable na si Atty. Chel Diokno.
Sa kabuuan, patuloy ang suporta ng mga kilalang personalidad sa ‘Leni-Kiko tandem’ at sa mga kandidato ng oposisyon.
