Jeric Gonzales says Bea Alonzo didn’t let broken engagement affect her work

Hindi maiwasang matanong si Jeric Gonzales tungkol sa Widow’s War co-star na si Bea Alonzo.

Noong una silang nagkapareha ni Bea sa Start-Up PH noong 2022, in love na in love pa si Bea sa boyfriend pa lang noon na si Dominic Roque.

Nang sinimulan nila ang Widow’s War noong early 2024, sumabog ang balitang break na sina Bea at Dominic na noo’y engaged to be married na sana.

Nilinaw naman ni Jeric na hindi nila napag-usapan ang broken engagement ni Bea sa set ng kanilang bagong serye.

“Of course, I have so much respect for Bea,” saad ni Jeric sa panayam ng PEP.ph (Philippine Entertainment Portal).

“With those kind of things na personal matters niya, hindi ko po natatanong yon or hindi namin napag-uusapan on the set.

“Siguro, it’s up to her kung i-open-up niya or sabihin niya sa amin.

“Pero as of now, parang wala naman pong gano’n. Ibang bagay ang napag-uusapan namin, more on work.”

Nagulat at nalungkot daw si Jeric nang mabalitaan ang kinahinatnan ng relasyon nina Bea at Dominic.

Ayon kay Jeric: “Siyempre, I know din Dom. Nakikita ko sila together during Start-Up.

“I wish Bea lang all the best.”

Hanga si Jeric kung paano nahiwalay ang personal issue sa trabaho.

“Kasi, nakikita ko naman na she managed it well.

“Happy siya. And during the Widows’ War taping, parang never ko naman siyang nakita na malungkot siya.

“She’s a very strong woman.”

JERIC GONZALES ON RABIYA MATEO

Sa kaso ni Jeric, nananatiling matatag ang relasyon nila ng girlfriend na si Rabiya Mateo.

Mahigit dalawang taon na raw silang dalawa.

Sabi ng awtor na ito kay Jeric, may panahong madalas ay on and off sila ni Rabiya. Nagku-cool-off.

Sinagot naman ni Jeric ang status ng relasyon nila ngayon ng nobya.

“I can say na this time, mas stable, stronger. Mas kinakapitan namin ang isa’t isa at mas ginagawa na lang naming inspiration.

“Unlike before na maraming problems na dumadaan talaga sa relationship.

“Pero ngayon, chill na, masaya. Mas suportahan sa work.

“She’s busy and I’m busy, at mas may freedom kami to do kung ano man yung mga dreams namin together.”

Nakangiti ito nang sabihing wala pa sa plano nila ang kasal.

Pero kung si Rabiya na ang nakikikita niyang babae para sa kanya, sagot ni Jeric, “Yes, for me, for now. I really love her.”

TICKET ISSUE AT IU’S concert

Nagbigay na rin ng pahayag niya ang Kapuso actor tungkol s naging isyu sa kanila ng girlfriend na si Rabiya, kaugnay ng panonood nila ng concert ng Korean superstar na si IU.

May nagparatang kina Jeric at Rabiya na hindi sila bumili ng tickets, pero nag-feeling V.I.P. pa raw nang dumating sa concert.

“Actually, nagulat talaga ko sa isyung yan,” saad ni Jeric sa PEP.

Lahad pa niya, “We paid for that tickets. Ako, matipid din akong tao at hindi ako masyadong magastos.

“And for me na bumili ng gano’n kamahal na ticket—P12,000 each yung seats na kinuha namin.

“Kaya nagulat ako nang may magsabi na hindi namin binayaran, nagpa-V.I.P. kami.”

Ipinaliwanag din ni Jeric na nagulat sila ni Rabiya nang madatnan na may nakaupo sa seats na binili nila.

“What happened kasi, late kaming dumating during the concert, galing kami Batangas. May fiesta sa family ko.

“And when we arrived, first, nagpatulong kami sa mga ushers and medyo naka-istorbo kami sa mga manonood dahil nahirapan silang hanapin yung seats namin dahil may mga nakaupo.

“So siguro, yun ang nangyari na akala ng mga tao, nagpapa-VIP kami, tapos ‘di pa bayad ang tickets.”

ON WORKING WITH BEA ALONZO AGAIN

Nakausap ng PEP si Jeric sa mediacon ng Widows’ War sa Matrix Creation Events noong June 21, 2024.

Si Jeric ang gumaganap sa karakter na si Francis Castillo, nakababatang kapatid ni Bea Alonzo, na gumaganap naman bilang si Sam Castillo-Palacios.

At katulad ng ibang karakter sa serye, posible rin daw paghinalaang killer si Jeric sa mystery drama series.

Unang nakatrabaho ni Jeric si Bea sa Start-Up PH, ang Pinoy adaptation ng hit Korean romance-drama series.

Magkapareha sina Jeric at Bea sa Start-Up PH, pero ngayong nagkatrabaho ulit sila ay “Miss Bea” pa rin ang tawag ni Jeric sa aktres.

Hindi pa rin ba siya sanay katrabaho si Bea?

“Yun na nga, e,” natawang sagot ni Jeric.

“Alam niyo, fan talaga ko ni Bea, Ms. Bea. Kapag nagkaka-work kami, iniiwasan ko na ma-starstruck.

“Katulad noong Start-Up, madalas.

“Ngayon, siyempre, may mga time na napapaisip pa rin ako na, ‘wow, katrabaho ko na ang isang Bea Alonzo.’

“Pero, may mga scenes kasi na nagpa-flashback na napanood ko lang ‘to dati sa pelikula, parang gano’n.

“So, nawawala ako minsan, pero, nama-manage naman.”

Kinumusta rin namin kay Jeric kung ano reaksyon ni Bea na magkasama silang muli.

“She’s very happy, of course, lalo na ngayon, mas nagiging close kami kasi, kapatid niya ko. More kuwentuhan, more time na magkasama kami.”

Mas chill na sila ngayon kumpara sa Start-Up PH na unang proyekto ni Bea sa GMA-7?

Sagot ni Jeric, “Mas chill off-cam, pero sa aktingan, mas ano ‘to, mas matindi.

“Of course, inspiration ko silang mga actors—sina Ms. Bea, Ms. Jean [Garcia], do’n ka talaga matsa-challenge.”