Javi Benitez, natanong tungkol sa isyu ng ama at Ivana Alawi: “Nag-viral ba?”

– Natanong si Congressman Javi Benitez tungkol sa mainit na isyu na kinasasangkutan ng kanyang mga magulang, sina Albee at Nikki Benitez, kung saan nadawit din ang pangalan ng Kapamilya actress na si Ivana Alawi

– Sa kabila ng kontrobersyang kinakaharap ng kanyang pamilya, piniling manahimik ng batang kongresista at hindi naglabas ng anumang opinyon o pahayag tungkol sa mga isiniwalat ng kanyang ina sa VAWC complaint laban sa kanyang ama

– Hindi rin nagbigay ng pahayag ang kampo ni Ivana Alawi, habang ipinagtanggol naman siya ng ilang netizens at ng kilalang social media personality na si Xian Gaza na nagsabing hindi dapat nadadawit ang pangalan ni Ivana sa problema ng mag-asawa

– Sa gitna ng mainit na intriga, tila nanatiling chill si Javi Benitez at nag-post pa ng Instagram Story na nagpapakitang kumakain lang siya ng Cremia soft serve ice cream sa kabila ng mga naglalabasang isyu laban sa kanyang pamilya

Tahimik ngunit tila may pahiwatig. Ganito ang naging dating ng reaksyon ni Negros Occidental 3rd District Representative Javi Benitez nang tanungin siya ng media ukol sa lumalalim na kontrobersya sa pagitan ng kanyang mga magulang — si Albee Benitez at Nikki Benitez — na nadawit pa si Ivana Alawi.

Ayon sa ulat ng Bilyonaryo, tila hindi alam ni Javi agad kung tungkol saan ang tanong. “Statement saan?” ang una niyang sagot. Matapos maipaliwanag na ito ay patungkol sa isyu ng kanyang mga magulang na trending online, sagot naman niya ay: “Ooh okay. Nag-viral ba?” Ngunit sa huli, pinili ni Javi na huwag makisali sa usapin. Ang kanyang tanging tugon ay, “Wew… walang statement.”

Ang isyu ay nag-ugat mula sa VAWC complaint affidavit na isinampa ni Nikki Benitez laban kay Albee Benitez. Sa reklamo, binanggit niya si Ivana Alawi bilang isa sa mga diumano’y naging karelasyon ng kanyang dating asawa. Bukod kay Ivana, nabanggit din sa affidavit sina Andrea del Rosario at Daisy Reyes, na sinasabing may anak umano kay Albee.

Mariing pinabulaanan ni Albee Benitez ang mga akusasyon. Sa kanyang pahayag, sinabi niyang “unsettling” ang pagdawit sa pangalan ni Ivana Alawi at walang katotohanan ang mga sinasabing relasyon niya sa mga nabanggit. Samantala, tumanggi namang magbigay ng anumang pahayag ang kampo ni Ivana. Pero may ilan nang nagtanggol sa kanya, kabilang ang social media personality na si Xian Gaza, na tinawag ang mga akusasyon ni Nikki na hindi makatarungan, at iginiit na matagal nang hiwalay ang mag-asawa.

Habang patuloy ang isyu, tila mas pinili ni Javi Benitez ang kapayapaan. Sa kanyang Instagram Story, ibinahagi niya ang simpleng larawan niya habang kumakain ng Cremia, isang Japanese soft ice cream, na tila nagpapahiwatig na hindi niya papatulan ang isyung kinasasangkutan ng kanyang pamilya.

Si Javi Benitez ay isang dating aktor at kasalukuyang kongresista ng 3rd District ng Negros Occidental. Anak siya ni Cong. Albee Benitez, kasalukuyang kinatawan ng Bacolod City, at ni Nikki Benitez. Bukod sa pagiging public servant, kilala si Javi sa kanyang lowkey lifestyle sa kabila ng pagiging bahagi ng prominenteng pamilya sa pulitika at showbiz.

Mariing itinanggi ni Albee Benitez ang mga alegasyon ng kanyang dating asawa. Ayon sa kanya, walang basehan ang mga akusasyon at mali ang pagkakadawit kay Ivana Alawi sa isyu. Ipinunto rin niyang matagal na silang hiwalay ni Nikki.

Isinampa ni Nikki Benitez ang kaso sa gitna ng umano’y mga isyu ng pambababae ng kanyang dating asawa. Binanggit sa complaint sina Ivana Alawi, Andrea del Rosario, at Daisy Reyes. Umani ito ng matinding reaksiyon sa social media.