Ben Madilynn
Nagkapuliki ang mga residente sa Sityo Malalangsi, Barangay Panagsama, Lungsod sa Moalboal, ug ang mga silingang barangay sa pagpamunit sa mga isda nga malalangsi nga midagsa sa baybayon.
Nag-viral sa social media ang video nga gi-upload sa netizen nga si Abby Buenaventura nga kuha pasado alas 7:00 sa buntag, Miyerkules, Septiyembre 11, 2024.
Si Corazon Abarquez, residente ug resort owner sa Barangay Panagsama nga dili lang ang mga lokal ang namunit sa liboan nga malalangsi kundi lakip na ang mga langyaw nga turista. Napuno ang ilang balde sa maong matang sa isda.
Matod pa ni Abarquez sa dihang nahinabi sa Superbalita Cebu nga dili kadto ang unang higayon nga nahitabo ang maong phenomenon kay nahitabo na kini kaniadto.
Base sa pagtuon, ang pagbaybay sa mga isda sa daplin sa baybayon mahimo usab gumikan sa kalit nga pag usab sa temperatura sa dagat ug direksyon sa balud, ingon man ang kakuwang sa plankton nga maoy kan-unon sa mga isda. / DVG
