Ben Madilynn
Mibisita ang Executive Committee ug Global Shared Services Center sa Zapatera Elementary School para sa inagurasyon sa feeding room sa eskwelahan.
Isip ikaduhang adopted school sa QBE sa Cebu, ang Zapatera Elementary School gitabangan sa kompanya sa pagtukod sa ilang feeding room.
Nakadawat usab kini og dugang P2.5 milyunes nga donasyon alang sa pagpaayo sa room niini, pagpalit og school supplies, ug para sa daily feeding program alang sa kulang sa sustansiya nga mga estudyante.
Ang eskwelahan adunay 2,804 ka estudyante ug 86 ka mga magtutudlo.
Ang programa sa QBE nga adopt a school gihimo sa pakig-partner sa Philippine Business for Social Progress.
Gawas sa Zapatera Elementary School, ang QBE nakig-partner ug nagasuporta usab sa R.P. Cruz Senior Elementary School sa Manila ug Bagong Lipunan Elementary School sa Cebu.
Ang QBE usa ka global nga insurance firm nga nakabase sa Sydney, ug adunay global shared services centers nga naglihok gikan sa Manila ug Cebu. / PR
