![](https://trend.slink.ph/wp-content/uploads/sites/11/2024/06/MAGSINGAL-DRUGS-2-200x150.jpg)
Ilocos Sur provincial government, ipaayanda iti gungona dagiti mangngalap a nakaalaw kadagiti shabu iti kabaybayan
![](https://img.bomboradyo.com/vigan/2024/06/MAGSINGAL-DRUGS-2.jpg)
VIGAN CITY – Padayawan ken ipaayan iti gungona ti Ilocos Sur Provincial Government babaen iti Provincial Peace and Order Council dagiti mangngalap a nakaalaw iti iligal a droga iti kabaybayan.
Iti pannaki-uman ti Bombo Radyo Vigan ken ni Provincial Board Member Efren Rambo Rafanan, Co-Chairman iti PPOC, mangbukelda iti resolusyon tapno mailatang ti pondo ken pagpapatangandanto daytoy kadua ti gobernador.
Makikammayetda kadagiti mayor iti ili ti San Juan, Sta. Maria ken Magsingal a lugar dagiti mangngalap a nakaalaw tapno mailista dagiti naganda ken maikkanda iti gungona.
Dinayaw pay ti nasao nga opisial ti kinapudno dagiti mangngalap a nangipaima kadagiti pannakabagi ti linteg dagiti naalawda a shabu.
Maipalagip a minilion a pisos a gatad ti pitopulo ket siam a pakete ti shabu nga adda Chinese markings-na ti nakita dagiti mangangalap.